মিয়ানমার না বার্মা? অঙ সান সূচি-রে দেঝ নাঙ বার্মা ন কবাত্তেই ওয়ার্নিঙ দিআ উইএ

বিদেঝ হবর(মায়ানমার/বার্মা):

৩০জুন, ২০১২

দেঝঅ নাঙ "বার্মা" কোআ ন যেবঅ, কোআ পুরিবো "মায়ানমার" ইআন জানেই দিআ উইএ নবেল পুরস্কার পিএ নেত্রী অঙ সান সূচি-রে। সে দেঝঅর অথরিতি তারে এ নির্দেশআন দ্যে ভিলি পেপারঅত লেঘা উইএ।

নবেল প্রাইজ উইন গুজ্জে অঙ সান সূচি

গ্যাল্লে শুক্করবার মায়ানমার-অর সরকারী পেপার "নিউ লাইট অব মায়ানমার" পত্রিকাত এগ্গান এস্তেতমেন্ট দিনেই তারে দেঝঅ নাঙ বার্মা ন কোনেই তার কনসতিতিশন নাঙ "রিপাবলিক অব দ্য ইউনিয়ন অব মায়ামার" কবাদ্দেই কোআ অয়। ভালকদিন ধুরি গবমেন আ বিরুধি পার্টি ভিদিরে দেঝঅ নাঙ কি অহবঅ সিআন লোনেই কোলকুজ্জে চলের। অঙসানসূচি দাঘি পাটি এনএলডি দেঝঅ নাঙ বার্মা রাগেবার চাই। বিরিতিস কত্তাবাবুদাঘি আমলত্তুন ধূরি দেচ্চানঅরে বার্মা কধাক। হালিক সে দঝেঅ সরকারে গ্যাল্লে ১৯৮৯ সালঅত আইন গুরি দেঝঅ নাঙ বার্মা বাদ দিনেই "মিয়ানমার" অহবঅ ডিক্লেয়ার গুজ্জে।

সে দেঝঅর অথরিতি সূচিরে কুইএ দেঝঅ নাঙ উবোচ্চোই কনসতিতিশিনঅ নাঙে ডাগা পুরিবো। 

ইক্কো অঙ সান সূচি দাঘি আ তারা পাটি কেঙোরি ইআন সলভ গুরিবো সিআন রিনি চেবার অক্ত উইএ।