হবর
হাগারাসুরি
২০ নবেমবর, ২০১২
মংগলবার
মোনত্তুগ ডেক্স
মোনত্তুগ: হাগারাসুরি হিল ডিস্তিক কাউন্সিলে প্রাইমারী ইস্কুলঅর ডেবলপমেনতত্তেই কুতি তেঙা অনুদান দ্যে ভিলি হবর পা' জিএ। হবর পা' জিএ কেএইচডিসি আর ইউএনডিপি পরিচালনা গুজ্জে এগ্গো প্রজেক্টঅর আন্দারে এ তেঙাউন দিআ উইয়ে। মোদেমাদে ১০২ আন প্রাইমারী ইস্কুলঅরে মোট ১ কুটি ৪৫ আহজার ৯০০ তেঙা অনুদান দিআ উইয়ে।
হাগারাসুরি হিল ডিস্তিক কাউন্সিলঅর জধাঅহনা গুদিবোত ১৯ তারিক বিন্নে এগ্গান অনুস্তানঅর মাধ্যমে চেয়ারম্যান কুজেন্দ্রলাল ত্রিপুরা এ তেঙাউন ইস্কুলঅর ম্যানেজিঙ কুমিতির সভানানু-দাঙর কাম্মো দাঘি সিদু চেকঅর মাধ্যমে তুলি দ্যে ভিলি জানা জিএ।
কামআন গম কাম মনে অলেও বেগে কদন ডিস্তিক কাউন্সিলঅত জেনজান গুরি তেঙা হা-হি চলে সিআন দিগিলে শুনিলে দ মনে অহয়দে যে তেঙাউন প্রাইমারী ইস্কুলঅর ডেবলপমেনতত্তেই দিআ উইয়ে সিউনদোই ইস্কুলঅর কোনো ডেবলপমেন অহবঅ ভিলি কনঅ জনে মনে ন গত্তন। বরঙ সিউন সাপঅ গাদঅত আর বেঙঅ গাদঅত অহজম ও্ই জেবাক ভিলি বেগে চিদেচাত্তা গত্তন।
কোন মন্তব্য নেই:
একটি মন্তব্য পোস্ট করুন