হবর
হিল চাদিগাঙ
১৬ নবেমবর, ২০১২
শুককরবার
মোনত্তুগ ডেক্স
মোনত্তুগ: হিল চাদিগাঙঅ জুম্মউনোত্তেই লাড়েই গুরিয়ে সংগথন ইউপিডিএফ-এ এবারা ধান কাবদে মানেজোরে বল দিবার কাম আহদত ল'লঅ। ইক্কুনো হিলঅর নানা জাগাত মানুচ্চুনে তারা পাককে ধান কাবিনেই তুলদন। আহজারে আহজারে মানজে এ কামআন গত্তন। দেঘা যায়দে এ কামআন যেহেতু বেগে এক সমারে গরন অর্থাৎ মানুচ্চুনে প্রায় একই সমারে ধান কাবিনেই ধান তুরি পান। সেনোত্তেই আদামত ধান কাবিয়ে, ধান তুলিয়ে মানজোর বজমান রাত পরে। দেঘা যায় কোনো কোনো জাগাত ধান কাবিয়ে, তুলিয়ে মানজোর দুক্ ধান এনেবাদে ভুইওত পুরি থায়্।
ইউপিডিএফ ১৫ নবেমবরঅত্তুন ধুরি ২১ নবেমবর সঙ এক সাপ্তা ধুরি মানজোরে ধান কাবঅদে বল দিবার এগ্গান পোরোগ্গাম আহদত লুইয়ে। তারা এ কামআন হিলঅর নান জাগাত গুরিবাক ভিলি হবর পা' জিএ।হাগারাসুরি সদর, পানসুরি, দিঘিনালা, মালসুরি, গুইমারা, মাটিরাংগা সুমুত্তো নানা জাগাত তারা এ কাম আদত লুইওন। এ কামআন গুরিবাত্তেই তারার শত শত কাম্মোলক মাধত লাম্মোন।
তারার এনজান বলদেনী কামআনত্তেই তারারে বেগে এহংকুর দেদন। কামআন বানা কধার কধা ন অহয় পারা সিআন লোনেইও মানজে তারারে উহচ দেদন।
কোন মন্তব্য নেই:
একটি মন্তব্য পোস্ট করুন