হবর
বিদেজ-চীন-তিব্বত
১৭ নবেমবর, ২০১২
শনিবার
মোনত্তুগ ডেক্স
মোনত্তুগ: ফেরান্স দেজঅত থাইদে এগ্গো তিব্বতী ভান্তে গ্যাল্লে বিসুববার ১৫ নবেমবর নিজঅ কিয়েত আগুন ধোরেই দি' নিজোরে পুড়ি ফেলেইএ। ত্যা তিব্বতী জাদঅ মানেই অহলেও তার ব্রিতেন দেজঅর সিটিজেনেশিপ আগে। ত্যা তিব্বত দেজ সারাল্যা(স্বাধীনতা) অহনার পক্কে আর তিব্বতঅত চীন দেজঅর হবরদারি গরানা বন্ধ গুরিবার দাবি জানেনেই নিজঅরে আগুনোত পুড়ি ফেলেল'। তা বয়চ ৩৮ বজর।ত্যা ফেরান্স দেজঅর এগ্গান কিওঙোত ৫ বজর ধুরি এলঅ।
চীনঅর হবরদারির পোতিবাদ আর তিব্বত দেজঅর সারাল্যের দাবি জানেনেই ২০১১ সালঅর মার্চ মাহজঅত্তুন ধুরি এবঅসঙ মোদেমাদে ৩০ জন ভান্তে-শ্রমন নিজঅ কিয়েত আগ্রন ধোরেই দি মুরি গেলাক।
তিব্বতীউনে চীনঅর বিরুদ্ধে ওবিজোগ গত্তন, চীনে তারা ধর্ম-কর্ম গুরিবাত্তেই লাগারা দ্যে, আর তারা ভাচ-আল্যাক কনত্রল গুরিবার চেরেত্তা গরের। চীনে তারা এ ওবিজোগ শিগের ন গরে।
কোন মন্তব্য নেই:
একটি মন্তব্য পোস্ট করুন