হবর
বিদেজ
ফিলিস্তি-ইসরাইল
১৭ নবেমবর, ২০১২
শনিবার
মোনত্তুগ ডেক্স
মোনত্তুগ: মিডল-ইস্ত চাগালার দিআন দেজ ফিলিস্তিন আর ইসরায়েলও ভিদিরে মারামারি চলের। গ্যাল্লে বুদবার(১৪ নবেমবর, ২০১২) ফিলিস্তিন দেজর গাজা চাগালার হামাস সংগথনঅর আহ্ত্যার বাইনীর ডাঙর চেলা আহমেদ আল জাবারীরে ইসরাইলে বম মারিনেই মারেই ফেলেবার জের ধুরি এ বম-বুন্দুক ফুদাফুদি মারামারি চলের। ইসরাইলে বমজানদোই গাজা চাগালাত বম ফেলেই দ্যের আর তা জেরে ফিলিস্তিনিউনে রকেত চালে দেদন ইসরাইলঅ মাদি উগুরে।
তারা এ মারামারি জেরে কয়েকজন চিগোনগুরো সুমুত্তো ২০ জনঅত্তুন বেচ ফিলিস্তিন জাদঅ মানুচ মুজ্জোন আর ইসরায়েলঅর ইহুদী জাদঅ মানুচ মুজ্জোন ৩ জন।
ইসরাইল দেজঅর ডিফেন্স মিনিস্তার এহুদ বারাক তা দেজঅর ৩০ আহজার আর্মিরে ব্যারেকঅত্তুন বাইর অহবার নির্দেশ দ্যে। অপারেশান পিলার অব ডিফেন্স নাঙে তারা এগ্গান অপারেশান চালেবাত্তেইও রেদি অদন।
তারা এ মারামারি থামেই দিবাত্তেই নানা দেজঅর চেলউনে নানা বাবত্তে চেরেত্তা গত্তন। মিসরঅর প্রাইস মিনিস্তার হিশাম কানদিলে আদিক্কেগুরি গাজা চাগালা ঘুরি জিএ। ত্যা সিদু হামাসঅ নেতাউনে সমারে বুচ্চে। সিদু ত্যা ইসরাইলে যে ফিলিস্তিনঅর গাজা চাগালাত ঝাবাদা দ্যে সিআনোত্তেই তার পোতিবাদ গুজ্জে।
কোন মন্তব্য নেই:
একটি মন্তব্য পোস্ট করুন