গুরখাল্যান্ড রেজ্যর দাবি জানেনেই পশ্চিমবংগ মুখ্যমন্ত্রি মমতা সমাবেশঅত বিক্ষোভ

হবর
২৯ জানুয়ারি, ২০১৩
পশ্চিমবঙগ-গুরখাল্যান্ড
মোনোত্তুগ ডেক্স

গুরখা ল্যান্ড নাঙে আলাদা রেজ্যর দাবি জানেনেই মিসিল

মোনোত্তুগঃ পশ্চিমবঙগ রেজ্য সরকারঅর মুখ্যমনত্রি ইচ্চে দার্জিলিঙঅত জিএ। সিদু  এগ্গান অনুসতানঅত ত্যা গুরখা জনমুক্তি মোর্চার নেতা বিমল গুরুঙঅ সমারে মঞ্চত এলঅ।
সে অনুসতানঅত গুরখা রেজ্যর দাবি জানেনেই ভালকজনে শ্লোগান-মিসিল গুজ্জোন ভিলি হবর পা' জিএ। সিআন লোনেই মমতা বন্দ্যোপাধ্যায় ভজমান রাগ তুল্লে ভিলি জানা জিএ। ত্যা মিসিল যারা গুজ্জোন তারারে উদিচ গুরি কুইয়ে যে তোমা দাবি জানেবার জাগা ইআন নয়, তুমি মিতিঙঅত এনেই সিআন জানে পারঅ।সভাত্তুন বিমল গুরুঙেও তারারে থামেবার চেরেত্তা গুজ্জে। তবে তারা নহ থামঅন।
তারা শ্লোগান তুল্লোন 'আলাদা রেজ্য দিআ পুরিবঅ, আলাদা গুরখাল্যান্ড রেজ্য চেই'।
বজর বিদি আগে গুরখা নেতাউনে গুরখা টেরিটরিয়েল কাউন্সিল(জিটিএ) অধিকার পিওন। ইক্কো তারা গুরখ্যাল্যান্ড নাঙে আলাদা রেজ্য চাদন। ভারতঅর পশ্চিমবঙ্গর উত্তর মাদানদি গুরখা জাতঅর মানুচ বাস গত্তন।