সাধক অরহত বনভান্তের মহাপরিনির্বানঅর এক বজরীত রাঙমাত্তে কিওঙোত অনুস্তান

হবর
মোনোত্তুগ ডেক্স
বনভান্তে
২৯ জানুয়ারি, ২০১৩

সাধক অরহত বনভান্তে

মেনোত্তেুগঃ হিল চাদিগাঙঅর বৌদ্ধ ধর্মীয় সাধক বনভান্তের মহাপরিনির্বানঅর এক বজরীত রাঙামাত্তে কিওঙোত নানা অনুস্তান ডিক্লেয়ার দিআ উইয়ে।
২৯ আর ৩০ তারিক দি'দিন ধুরি অনুস্তান চুলিবঅ।

২৯ তারিক বিন্নে বনভান্তে আরুককো যে জাগাত রাঘা উইয়ে সিওত ধর্মীয় তেম্বাঙ, লো-দেনা কর্মসূচি  চুলিবঅ। বিল্লে সরগঅ ঘর আর রাজবনবিহারঅ সিদু বাত্তি জালানা অহবঅ।
৩০ তারিক বিন্নে ধর্ম তেম্বাঙ, সংঘ দান, অস্তপরিস্কার দান, বাত্তি জালান, ফেনাসর উরানা কেজ্জো আঘে।

সাধক অরহত বনভান্তে ২০১২ সালঅর ৩০ জানুয়ারি সোমবার বিল্লে  চেরটায় পরিনির্বান লাভ গুজ্জে।
তে ১০২০ সালঅর ২০ জানুয়ারি রাঙামাত্তে মগবানঅর মোড়ঘোনা আদামঅত জনম লুইয়ে। তা বাবঅ নাঙ হারুমোহন চাঙমা, আর মা' নাঙ বীরপুদি চাঙমা।
অরহত বনভান্তের ঘরঅ নাঙ রথীন্দ্রনাথ।
১৯৪৯ সালঅত ত্যা চাদিগাঙ নন্দন কানন বৌদ্ধ কিওঙোত প্রবজ্জা লুইয়ে। সে পরে তা নাঙ অয় 'সাধনানন্দ বিক্খু'। পরে ত্যা হিল চাদিগাঙঅত এইআই ঝারঅত ধেআন সাধনা গুজ্জে। মানজে তা নাঙান রাঘেই দোন 'বনভান্তে'।
বনভান্তে ইজেবেই তারে হিল চাদিগাঙঅ মানেইউনে বেচগুরি চিনোন।